Oʻzbekiston Respublikasi hududlarining davlat roʻyxatidan oʻtkazilgan transport vositalarining davlat raqam belgilarida qoʻllaniladigan raqamli kodlar roʻyxati:
| Hudud (shahar) nomi | Yangi namunadagi kod | Eski namunadagi kod |
| Toshkent shahri | 01 – 09 | 10,30 |
| Toshkent viloyati | 10 – 19 | 11 |
| Sirdaryo viloyati | 20 – 24 | 12 |
| Jizzax viloyati | 25 – 29 | 13 |
| Samarqand viloyati | 30 – 39 | 14 |
| Farg‘ona viloyati | 40 – 49 | 15 |
| Namangan viloyati | 50 – 59 | 16 |
| Andijon viloyati | 60 – 69 | 17 |
| Qashqadaryo viloyati | 70 – 74 | 18 |
| Surxondaryo viloyati | 75 – 79 | 19 |
| Buxoro viloyati | 80 – 84 | 20 |
| Navoiy viloyati | 85 – 89 | 21 |
| Xorazm viloyati | 90 – 94 | 22 |
| Qoraqalpog‘iston Respublikasi | 95 – 99 | 23 |
Avtomototransport vositalari va ularning tirkamalariga beriladigan davlat ro‘yxatidan o‘tkazish raqam belgilarining turlari.
| Raqam belgisining tasviri | Tavsif |
  | I tur — Davlat roʻyxatidan oʻtkazish raqam belgilari yuridik shaxslarning avtomobillari uchun beriladi. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. Chap tomonda hudud kodi, o‘ng tomonda esa O‘zbekiston Respublikasi bayrog‘i va “UZ” harflari joylashadi. Harflar ketma-ketligi AAA…ZAA, ABA va shu tartibda davom etadi. 2012-yil 1-yanvardan boshlab taksi litsenziyalash bo‘yicha yangi qoidalar joriy etildi hamda TTA…TTZ maxsus harf seriyasi kiritildi. 2014-yildan boshlab Ichki ishlar vazirligi transport vositalari uchun VSF, VSB, VSC, VSD maxsus seriyalari (oxirgi uch seriya faqat Toshkent shahrida), shuningdek Milliy xavfsizlik xizmati uchun TST va USB seriyalari joriy etildi. 2017-yilda ham ZDF (O‘zbekiston Respublikasi Bosh prokuraturasi, prokuratura organlari, Iqtisodiy jinoyatlarga qarshi kurash departamenti va Majburiy ijro byurosi) hamda FVV (Favqulodda vaziyatlar vazirligi) maxsus seriyalari joriy etildi. 2021-yilda davlat boshqaruvi organlari va joylardagi davlat hokimiyati organlari avtomobillari uchun DAV maxsus seriyasini berish boshlandi. IА tur — Orqa davlat roʻyxatidan oʻtkazish raqam belgisi ikki qatorli bo‘lib, yuridik shaxslarning yengil avtomobillari uchun beriladi, uning o‘rnatilish joyi I turdagi davlat raqam belgisi o‘lchamlariga mos kelmaydi. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. O‘ng pastki qismida hudud kodi, O‘zbekiston Respublikasi bayrog‘i va “UZ” harflari joylashadi. |
  | II tur — Davlat roʻyxatidan oʻtkazish raqam belgilari oliy davlat organlari, boshqaruv organlari va vazirliklar avtomobillari uchun beriladi. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. Raqamning chap tomonida O‘zbekiston Respublikasi bayrog‘i joylashadi. Harflar ketma-ketligi PAA 200 dan boshlab davom etadi. IIА tur — Orqa davlat roʻyxatidan oʻtkazish raqam belgisi ikki qatorli bo‘lib, oliy davlat organlari, boshqaruv organlari va vazirliklar (yuridik shaxslar) avtomobillari uchun beriladi, uning o‘rnatilish joyi II turdagi davlat raqam belgisi o‘lchamlariga mos kelmaydi. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. Raqamning o‘ng pastki qismida O‘zbekiston Respublikasi bayrog‘i joylashadi. |
 | III tur — Davlat roʻyxatidan oʻtkazish raqam belgilari jismoniy shaxslarning avtomobillari uchun beriladi. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. Chap tomonda hudud kodi, o‘ng tomonda O‘zbekiston Respublikasi bayrog‘i va “UZ” harflari joylashadi. Harflar ketma-ketligi A 001 AA — Z 999 AA, A 010 BA va shu tartibda davom etadi. 2021-yilda jismoniy shaxslarning avtomobillari uchun ikki qatorli davlat raqam belgilarini berish boshlandi. |
 | IV tur — “CMD” seriyasidagi davlat roʻyxatidan oʻtkazish raqam belgilari Oʻzbekiston Respublikasi Tashqi ishlar vazirligi xati asosida diplomatik vakolatxonalar rahbarlarining bitta xizmat avtomototransport vositasi uchun beriladi. Davlat raqam belgilarining fon rangi yashil, hoshiyasi, raqamlar va harflar oq rangda bo‘ladi. Harflar ketma-ketligi CMD xx01 (xx — mamlakat kodi) dan boshlanadi va shu tartibda davom etadi. |
 | V tur — “D” seriyasidagi davlat roʻyxatidan oʻtkazish raqam belgilari Tashqi ishlar vazirligi xati asosida beriladi: diplomatik va konsullik muassasalari rahbarlarining (Favqulodda va Muxtor elchi, muvaqqat vakil, bosh konsul) shaxsiy avtomototransport vositalari hamda ularning oila a’zolari uchun; diplomatik vakolatxonalar diplomatik agentlarining xizmat va shaxsiy avtomototransport vositalari hamda ularning oila a’zolari uchun. Davlat raqam belgilarining fon rangi yashil, hoshiyasi, raqamlar va harflar oq rangda bo‘ladi. Harflar ketma-ketligi D xxx001 (xxx — mamlakat kodi) dan boshlanadi va shu tartibda davom etadi. |
  | VI tur — “UN” seriyasidagi davlat roʻyxatidan oʻtkazish raqam belgilari Tashqi ishlar vazirligi xati asosida beriladi: BMT vakolatxonalari va BMTning ixtisoslashgan tashkilotlari rahbarlarining shaxsiy avtomototransport vositalari hamda ularning oila a’zolari uchun, shuningdek Tashqi ishlar vazirligi akkreditatsiyasi asosida BMT va ixtisoslashgan tashkilotlar vakolatxonalari xodimlarining xizmat va shaxsiy avtomototransport vositalari hamda ularning oila a’zolari uchun. Davlat raqam belgilarining fon rangi ko‘k, hoshiyasi, raqamlar va harflar oq rangda bo‘ladi. Harflar ketma-ketligi UN 0001 dan boshlanadi va shu tartibda davom etadi. VIА tur — “UN” seriyasidagi orqa davlat roʻyxatidan oʻtkazish raqam belgisi ikki qatorli bo‘lib, BMT vakolatxonalari avtomobillari uchun beriladi, uning o‘rnatilish joyi VI turdagi davlat raqam belgisi o‘lchamlariga mos kelmaydi. |
  | VII tur — “T” seriyasidagi davlat roʻyxatidan oʻtkazish raqam belgilari Tashqi ishlar vazirligi xati asosida beriladi: diplomatik va konsullik muassasalarining ma’muriy-texnik xodimlarining xizmat va shaxsiy avtomototransport vositalari hamda ularning oila a’zolari uchun, Tashqi ishlar vazirligi akkreditatsiyasi asosida xizmat ko‘rsatuvchi xodimlar va uy xizmatchilarining xizmat avtomototransport vositalari uchun, BMT yoki boshqa Tashqi ishlar vazirligida akkreditatsiyadan o‘tgan vakolatxonalar tomonidan amalga oshiriladigan yirik gumanitar loyihalar va texnik yordam dasturlari avtomototransport vositalari uchun, shuningdek ushbu loyihalar xodimlarining shaxsiy ehtiyojlari uchun, xalqaro tashkilotlar vakolatxonasi rahbarlarining shaxsiy ehtiyojlari uchun, xorijiy davlatlarning hukumat tashkilotlari vakolatxonalari va savdo vakolatxonalari hamda ularning oila a’zolari uchun, shuningdek Tashqi ishlar vazirligida akkreditatsiyadan o‘tgan ushbu tashkilotlar xodimlarining xizmat va shaxsiy ehtiyojlari uchun, hamda faxriy konsulliklar xodimlarining xizmat ehtiyojlari uchun beriladi. Davlat raqam belgilarining fon rangi yashil, hoshiyasi, raqamlar va harflar oq rangda bo‘ladi. Harflar ketma-ketligi T xxx001 (xxx — mamlakat kodi) dan boshlanadi va shu tartibda davom etadi. VIIА tur — “T” seriyasidagi orqa davlat roʻyxatidan oʻtkazish raqam belgisi VII turda ko‘rsatilgan avtomototransport vositalari uchun beriladi, uning o‘rnatilish joyi VII turdagi davlat raqam belgisi o‘lchamlariga mos kelmaydi. |
  | VIII tur — “X” seriyasidagi davlat roʻyxatidan oʻtkazish raqam belgilari Tashqi ishlar vazirligi xati asosida beriladi: konsullik muassasalari rahbarlari, faxriy konsulliklar, xalqaro tashkilotlar vakolatxonalari, xorijiy davlatlarning hukumat va hukumatlararo tashkilotlar vakolatxonalari hamda Tashqi ishlar vazirligida akkreditatsiyadan o‘tgan savdo vakolatxonalari rahbarlarining bitta xizmat avtomototransport vositasi uchun beriladi. Davlat raqam belgilarining fon rangi yashil, hoshiyasi, raqamlar va harflar oq rangda bo‘ladi. Harflar ketma-ketligi X xxx001 (xxx — mamlakat kodi) dan boshlanadi va shu tartibda davom etadi. VIIIА tur — “X” seriyasidagi orqa davlat roʻyxatidan oʻtkazish raqam belgisi VIII turda ko‘rsatilgan avtomototransport vositalari uchun beriladi, uning o‘rnatilish joyi VIII turdagi davlat raqam belgisi o‘lchamlariga mos kelmaydi. |
  | IX tur — “M” seriyasidagi davlat roʻyxatidan oʻtkazish raqam belgilari Tashqi ishlar vazirligi xati asosida beriladi: korrespondentlik punktlari (byuro, ofislar) avtomototransport vositalari uchun; Tashqi ishlar vazirligida doimiy akkreditatsiyadan o‘tgan, O‘zbekiston Respublikasi fuqarosi bo‘lmagan xorijiy muxbirlarning avtomototransport vositalari uchun; Adliya vazirligida ro‘yxatdan o‘tgan xalqaro va xorijiy nodavlat tashkilotlar vakolatxonalari hamda filiallari rahbarlari va xodimlarining xizmat avtomototransport vositalari uchun; O‘zbekiston Respublikasi hududida akkreditatsiyadan o‘tgan va faoliyat yuritayotgan xorijiy firmalar va banklarning xizmat avtomototransport vositalari uchun beriladi. Davlat raqam belgilarining fon rangi yashil, hoshiyasi, raqamlar va harflar oq rangda bo‘ladi. Harflar ketma-ketligi M 000001 dan boshlanadi va shu tartibda davom etadi. IXА tur — “M” seriyasidagi orqa davlat roʻyxatidan oʻtkazish raqam belgisi ikki qatorli bo‘lib, IX turdagi davlat raqam belgisi o‘lchamlariga mos kelmaydigan joyga o‘rnatiladigan avtomobillar uchun beriladi. |
  | X tur — “H” seriyasidagi davlat roʻyxatidan oʻtkazish raqam belgilari O‘zbekiston Respublikasida doimiy yashovchi yoki shaxsiy, xizmat, o‘qish yoki turizm maqsadida vaqtincha bo‘lib turgan xorijiy fuqarolar hamda fuqaroligi bo‘lmagan shaxslarga tegishli yoki ijaraga olingan transport vositalariga beriladi. Davlat raqam belgilarining fon rangi sariq, hoshiyasi, raqamlar va harflar qora rangda bo‘ladi. Harflar ketma-ketligi H 000001 dan boshlanadi va shu tartibda davom etadi. XА tur — “H” seriyasidagi orqa davlat roʻyxatidan oʻtkazish raqam belgisi X turda ko‘rsatilgan avtomototransport vositalari uchun beriladi, uning o‘rnatilish joyi X turdagi davlat raqam belgisi o‘lchamlariga mos kelmaydi. |
 | XI tur — Mototransport vositalari (mototsikllar, motorollerlar) uchun ikki qatorli davlat roʻyxatidan oʻtkazish raqam belgilari. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. Raqamning o‘ng tomonidagi yuqori qismida hudud kodi, pastki qismida O‘zbekiston Respublikasi bayrog‘i va “UZ” harflari joylashadi. |
 | XII tur — Yuk va yengil avtomobillarga ulanadigan tirkamalar va yarim tirkamalar uchun ikki qatorli davlat roʻyxatidan oʻtkazish raqam belgilari. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. Raqamning o‘ng tomonidagi pastki qismida hudud kodi, O‘zbekiston Respublikasi bayrog‘i va “UZ” harflari joylashadi. |
  | XIII tur — Vaqtincha yo‘l harakatida ishtirok etishga ruxsat etilgan transport vositalari (bir martalik tranzit qog‘oz raqamlari) uchun davlat ro‘yxatidan o‘tkazish raqam belgilari. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. Raqamning o‘ng tomonida hudud kodi joylashadi. XIIIА tur — Tirkamalar, mototransport vositalari hamda vaqtincha yo‘l harakatida ishtirok etishga ruxsat etilgan transport vositalari (bir martalik tranzit qog‘oz raqamlari) uchun ikki qatorli davlat roʻyxatidan oʻtkazish raqam belgilari. Davlat raqam belgilarining fon rangi oq, hoshiyasi, raqamlar va harflar qora rangda bo‘ladi. Raqamning o‘ng tomonidagi pastki qismida hudud kodi joylashadi. |
