Ўзбекистон Республикаси ҳудудларининг транспорт воситалари давлат рўйхатидан ўтказиш рақам белгиларида қўлланиладиган рақамли кодлари рўйхати:
| Ҳудуд (шаҳар) номи | Янги намунадаги код | Эски намунадаги код |
| Тошкент шаҳри | 01 – 09 | 10,30 |
| Тошкент вилояти | 10 – 19 | 11 |
| Сирдарё вилояти | 20 – 24 | 12 |
| Жиззах вилояти | 25 – 29 | 13 |
| Самарқанд вилояти | 30 – 39 | 14 |
| Фарғона вилояти | 40 – 49 | 15 |
| Наманган вилояти | 50 – 59 | 16 |
| Андижон вилояти | 60 – 69 | 17 |
| Қашқадарё вилояти | 70 – 74 | 18 |
| Сурхондарё вилояти | 75 – 79 | 19 |
| Бухоро вилояти | 80 – 84 | 20 |
| Навоий вилояти | 85 – 89 | 21 |
| Хоразм вилояти | 90 – 94 | 22 |
| Қорақалпоғистон Республикаси | 95 – 99 | 23 |
Автомототранспорт воситалари ва уларнинг тиркамаларига бериладиган давлат рўйхатидан ўтказиш рақам белгиларининг турлари.
| Рақам белгиси тасвири | Тавсиф |
  | I тур — Давлат рўйхатидан ўтказиш рақам белгилари юридик шахсларнинг автомобиллари учун берилади. Давлат рўйхатидан ўтказиш рақам белгилари фони оқ, ҳошияси, рақамлар ва ҳарфлар қора рангда бўлади. Чап томонда ҳудуд коди, ўнг томонда рақам устида Ўзбекистон Республикаси байроғи ва “UZ” ҳарфлари жойлашади. Ёзувлар кетма-кетлиги AAA…ZAA, ABA ва шу тартибда давом этади. 2012 йил 1 январдан бошлаб такси лицензиялаш бўйича янги қоидалар амал қила бошлади ҳамда TTA…TTZ махсус ҳарф серияси жорий этилди. 2014 йилдан бошлаб Ички ишлар вазирлиги транспорт воситалари учун VSF, VSB, VSC, VSD махсус сериялари (охирги уч серия фақат Тошкент шаҳрида), шунингдек Миллий хавфсизлик хизмати учун TST ва USB сериялари жорий этилди. 2017 йилда ZDF (Ўзбекистон Республикаси Бош прокуратураси, прокуратура органлари, Иқтисодий жиноятларга қарши курашиш департаменти ва Мажбурий ижро бюроси) ҳамда FVV (Фавқулодда вазиятлар вазирлиги) махсус сериялари жорий этилди. 2021 йилда давлат бошқаруви органлари ва жойлардаги давлат ҳокимияти органлари автомобиллари учун DAV махсус сериясини бериш бошланди. IА тур — Орқа давлат рўйхатидан ўтказиш рақам белгиси икки қаторли бўлиб, юридик шахсларга тегишли енгил автомобиллар учун берилади, унинг ўрнатилиш жойи I турдаги давлат рўйхатидан ўтказиш рақам белгиси ўлчамларига мос келмайди. Давлат рўйхатидан ўтказиш рақам белгиларининг фони оқ, ҳошияси, рақамлар ва ҳарфлар қора рангда бўлади. Рақамнинг ўнг томони пастки қисмида ҳудуд коди, Ўзбекистон Республикаси байроғи ва “UZ” ҳарфлари жойлашади. |
  | II тур — Давлат рўйхатидан ўтказиш рақам белгилари олий давлат органлари, бошқарув органлари ва вазирликлар автомобиллари учун берилади. Давлат рўйхатидан ўтказиш рақам белгилари фони оқ, ҳошияси, рақамлар ва ҳарфлар қора рангда бўлади. Рақамнинг чап томонида Ўзбекистон Республикаси байроғи жойлашади. Ёзувлар кетма-кетлиги PAA 200 дан бошланади ва шу тартибда давом этади. IIА тур — Орқа давлат рўйхатидан ўтказиш рақам белгиси икки қаторли бўлиб, олий давлат органлари, бошқарув органлари ва вазирликлар (юридик шахслар) автомобиллари учун берилади, унинг ўрнатилиш жойи II турдаги давлат рўйхатидан ўтказиш рақам белгиси ўлчамларига мос келмайди. Давлат рўйхатидан ўтказиш рақам белгиларининг фони оқ, ҳошияси, рақамлар ва ҳарфлар қора рангда бўлади. Рақамнинг ўнг томони пастки қисмида Ўзбекистон Республикаси байроғи жойлашади. |
 | III тур — Давлат рўйхатидан ўтказиш рақам белгилари жисмоний шахсларнинг автомобиллари учун берилади. Давлат рўйхатидан ўтказиш рақам белгилари фони оқ, ҳошияси, рақамлар ва ҳарфлар қора рангда бўлади. Чап томонда ҳудуд коди, ўнг томонда рақам устида Ўзбекистон Республикаси байроғи ва “UZ” ҳарфлари жойлашади. Ёзувлар кетма-кетлиги A 001 AA — Z 999 AA, A 010 BA ва шу тартибда давом этади. 2021 йилда жисмоний шахслар автомобиллари учун икки қаторли давлат рўйхатидан ўтказиш рақам белгилари берилиши бошланди. |
 | IV тур — “CMD” сериясидаги давлат рўйхатидан ўтказиш рақам белгилари Ўзбекистон Республикаси Ташқи ишлар вазирлиги хати асосида дипломатик ваколатхоналар раҳбарларининг битта хизмат автомобил воситаси учун берилади. Давлат рўйхатидан ўтказиш рақам белгилари фони яшил, ҳошияси, рақамлар ва ҳарфлар оқ рангда бўлади. Ёзувлар кетма-кетлиги CMD xx01 (xx — мамлакат коди) дан бошланади ва шу тартибда давом этади. |
 | V тур — “D” сериясидаги давлат рўйхатидан ўтказиш рақам белгилари Ташқи ишлар вазирлиги хати асосида берилади: дипломатик ва консуллик муассасалари раҳбарларининг (Фавқулодда ва Мухтор элчи, ваколатли вакил, Бош консул) шахсий автомобиллари ҳамда уларнинг оила аъзолари учун; дипломатик ваколатхоналар дипломатик агентларининг хизмат ва шахсий автомобиллари ҳамда уларнинг оила аъзолари учун. Давлат рўйхатидан ўтказиш рақам белгилари фони яшил, ҳошияси, рақамлар ва ҳарфлар оқ рангда бўлади. Ёзувлар кетма-кетлиги D xxx001 (xxx — мамлакат коди) дан бошланади ва шу тартибда давом этади. |
  | VI тур — “UN” сериясидаги давлат рўйхатидан ўтказиш рақам белгилари Ташқи ишлар вазирлиги хати асосида берилади: БМТ ваколатхоналари ва БМТнинг ихтисослашган ташкилотлари раҳбарларининг шахсий автомобил воситалари ҳамда уларнинг оила аъзолари учун, шунингдек Ташқи ишлар вазирлиги аккредитацияси асосида БМТ ва ихтисослашган ташкилотлар ваколатхоналари ходимларининг хизмат ва шахсий автомобил воситалари ҳамда уларнинг оила аъзолари учун. Давлат рўйхатидан ўтказиш рақам белгилари фони кўк, ҳошияси, рақамлар ва ҳарфлар оқ рангда бўлади. Ёзувлар кетма-кетлиги UN 0001 дан бошланади ва шу тартибда давом этади. VIА тур — “UN” сериясидаги орқа давлат рўйхатидан ўтказиш рақам белгиси икки қаторли бўлиб, БМТ ваколатхоналари автомобиллари учун берилади, унинг ўрнатилиш жойи VI турдаги давлат рўйхатидан ўтказиш рақам белгиси ўлчамларига мос келмайди. |
  | VII тур — “T” сериясидаги давлат рўйхатидан ўтказиш рақам белгилари Ташқи ишлар вазирлиги хати асосида берилади: дипломатик ва консуллик муассасаларининг маъмурий-техник ходимларининг хизмат ва шахсий автомобиллари ҳамда уларнинг оила аъзолари учун; дипломатик ва консуллик муассасаларининг хизмат кўрсатувчи персонали ва уй хизматчилари хизмат автомобиллари учун; БМТ ёки Ташқи ишлар вазирлигида аккредитация қилинган бошқа ваколатхоналар томонидан амалга ошириладиган йирик гуманитар лойиҳалар ва техник кўмак дастурлари автомобиллари учун; ушбу лойиҳалардаги аккредитация қилинган ходимларнинг шахсий эҳтиёжлари учун; халқаро ташкилотлар ваколатхоналари раҳбарларининг шахсий эҳтиёжлари учун; хорижий давлатлар ҳукумат ташкилотлари ваколатхоналари ва савдо ваколатхоналари ҳамда уларнинг оила аъзолари учун; Ташқи ишлар вазирлигида аккредитация қилинган халқаро ташкилотлар, хорижий давлатлар ҳукумат ташкилотлари ва савдо ваколатхоналари ходимларининг хизмат ва шахсий автомобиллари учун; ҳамда фахрий консулликлар ходимларининг хизмат эҳтиёжлари учун. Давлат рўйхатидан ўтказиш рақам белгилари фони яшил, ҳошияси, рақамлар ва ҳарфлар оқ рангда бўлади. Ёзувлар кетма-кетлиги T xxx001 (xxx — мамлакат коди) дан бошланади ва шу тартибда давом этади. VIIА тур — “T” сериясидаги орқа давлат рўйхатидан ўтказиш рақам белгиси VII турда кўрсатилган автомототранспорт воситалари учун берилади, унинг ўрнатилиш жойи VII турдаги давлат рўйхатидан ўтказиш рақам белгиси ўлчамларига мос келмайди. |
  | VIII тур — “X” сериясидаги давлат рўйхатидан ўтказиш рақам белгилари Ташқи ишлар вазирлиги хати асосида берилади: консуллик муассасалари, фахрий консулликлар, халқаро ташкилотлар ваколатхоналари, хорижий давлатларнинг ҳукумат ва ҳукуматлараро ташкилотлар ваколатхоналари ҳамда Ташқи ишлар вазирлигида аккредитация қилинган савдо ваколатхоналари раҳбарларининг битта хизмат автомобил воситаси учун берилади. Давлат рўйхатидан ўтказиш рақам белгилари фони яшил, ҳошияси, рақамлар ва ҳарфлар оқ рангда бўлади. Ёзувлар кетма-кетлиги X xxx001 (xxx — мамлакат коди) дан бошланади ва шу тартибда давом этади. VIIIА тур — “X” сериясидаги орқа давлат рўйхатидан ўтказиш рақам белгиси VIII турда кўрсатилган автомототранспорт воситалари учун берилади, унинг ўрнатилиш жойи VIII турдаги давлат рўйхатидан ўтказиш рақам белгиси ўлчамларига мос келмайди. |
  | IX тур — “M” сериясидаги давлат рўйхатидан ўтказиш рақам белгилари Ташқи ишлар вазирлиги хати асосида берилади: корреспондентлик пунктлари (бюро, офислар) автотранспорт воситалари учун; Ташқи ишлар вазирлигида доимий аккредитациядан ўтган, Ўзбекистон Республикаси фуқароси бўлмаган хорижий мухбирлар автотранспорт воситалари учун; Адлия вазирлигида рўйхатдан ўтган халқаро ва хорижий ноҳукумат ташкилотлар ваколатхоналари ва филиаллари раҳбарлари ва ходимларининг хизмат эҳтиёжлари учун; Ўзбекистон Республикаси ҳудудида аккредитация қилинган ва фаолият юритаётган хорижий фирмалар ва банклар хизмат эҳтиёжлари учун. Давлат рўйхатидан ўтказиш рақам белгилари фони яшил, ҳошияси, рақамлар ва ҳарфлар оқ рангда бўлади. Ёзувлар кетма-кетлиги M 000001 дан бошланади ва шу тартибда давом этади. IXА тур — “M” сериясидаги орқа давлат рўйхатидан ўтказиш рақам белгиси икки қаторли бўлиб, IX турдаги давлат рўйхатидан ўтказиш рақам белгиси ўлчамларига мос келмайдиган жойга ўрнатилган автомобиллар учун берилади. |
  | X тур — “H” сериясидаги давлат рўйхатидан ўтказиш рақам белгилари Ўзбекистон Республикасида доимий яшовчи ёки шахсий, хизмат, ўқиш ёки туризм мақсадларида вақтинча бўлиб турган хорижий фуқаролар ҳамда фуқаролиги бўлмаган шахсларга тегишли ёки ижарага олинган транспорт воситаларига берилади. Давлат рўйхатидан ўтказиш рақам белгилари фони сариқ, ҳошияси, рақамлар ва ҳарфлар қора рангда бўлади. Ёзувлар кетма-кетлиги H 000001 дан бошланади ва шу тартибда давом этади. XА тур — “H” сериясидаги орқа давлат рўйхатидан ўтказиш рақам белгиси X турда кўрсатилган автомототранспорт воситалари учун берилади, унинг ўрнатилиш жойи X турдаги давлат рўйхатидан ўтказиш рақам белгиси ўлчамларига мос келмайди. |
 | XI тур — Мототранспорт воситалари (мотоцикллар, мотороллерлар) учун икки қаторли давлат рўйхатидан ўтказиш рақам белгилари. Давлат рўйхатидан ўтказиш рақам белгилари фони оқ, ҳошияси, рақамлар ва ҳарфлар қора рангда бўлади. Рақамнинг ўнг томони юқори қисмида ҳудуд коди, пастки қисмида Ўзбекистон Республикаси байроғи ва “UZ” ҳарфлари жойлашади. |
 | XII тур — Юк ва енгил автомобилларга уланадиган тиркамалар ва ярим тиркамалар учун икки қаторли давлат рўйхатидан ўтказиш рақам белгилари. Давлат рўйхатидан ўтказиш рақам белгилари фони оқ, ҳошияси, рақамлар ва ҳарфлар қора рангда бўлади. Рақамнинг ўнг томони пастки қисмида ҳудуд коди, Ўзбекистон Республикаси байроғи ва “UZ” ҳарфлари жойлашади. |
  | XIII тур — Vaqtincha yo‘l harakatida ishtirok etishga ruxsat etilgan transport vositalari (bir martalik tranzit qog‘oz raqamlari) uchun davlat ro‘yxatidan o‘tkazish raqam belgilari. Davlat ro‘yxatidan o‘tkazish raqam belgilarining fon rangi oq, hoshiyasi, raqamlar va harflar qora rangda bo‘ladi. Raqamning o‘ng tomonida hudud kodi joylashadi. XIIIА тур — Tirkamalar, mototransport vositalari hamda vaqtincha yo‘l harakatida ishtirok etishga ruxsat etilgan transport vositalari (bir martalik tranzit qog‘oz raqamlari) uchun ikki qatorli davlat ro‘yxatidan o‘tkazish raqam belgilari. Davlat ro‘yxatidan o‘tkazish raqam belgilarining fon rangi oq, hoshiyasi, raqamlar va harflar qora rangda bo‘ladi. Raqamning o‘ng tomoni pastki qismida hudud kodi joylashadi. |
