1. Ҳайдовчилик гувоҳномаси тоифалари
| № | Тоифа | Транспорт воситаси тури | Миқдор |
| 1 | A | Мотоцикллар (16 ёш)Двигатель иш ҳажми 125 куб см дан ортиқ ва максимал қуввати 11 кВт дан юқори бўлган мотоцикллар.
Техник регламент тоифаси — L3–L5 |  |
| 2 | A1 | Енгил мотоцикллар (16 ёш)Двигатель иш ҳажми 125 куб см дан ошмайдиган ва максимал қуввати 11 кВт дан ошмайдиган мотоцикллар.
Техник регламент тоифаси — L3–L5 | |
| 3 | B | Енгил автомобиллар ва кичик юк машиналари (18 ёш)«A» тоифасидаги транспорт воситаларидан ташқари, рухсат этилган максимал массаси 3500 кг дан ошмайдиган ҳамда ҳайдовчи ўриндиғидан ташқари 8 тадан кўп бўлмаган ўриндиққа эга автомобиллар.
Техник регламент тоифаси — M1–N1 | |
| 4 | BE | Енгил автомобиллар тиркама билан (19 ёш)«B» тоифасидаги автомобиллар, рухсат этилган максимал массаси 750 кг дан ортиқ ва юксиз автомобиль массасидан катта бўлган тиркама билан уланган; шунингдек, рухсат этилган максимал массаси 750 кг дан ортиқ бўлган тиркама билан уланган «B» тоифасидаги автомобиллар, агар бундай транспорт воситалари таркибининг умумий рухсат этилган максимал массаси 3500 кг дан ошса.
Техник регламент тоифаси — M1–N1 | |
| 5 | B1 | Трицикллар, квадроцикллар ва мотоколяскалар (18 ёш)Двигатель иш ҳажми 125 куб см дан ортиқ ва максимал қуввати 11 кВт дан юқори бўлган трицикллар ва квадрицикллар.
Техник регламент тоифаси — M1–N1 | |
| 6 | C | Юк автомобиллари (18 ёш)Рухсат этилган максимал массаси 3,5 тоннадан ортиқ бўлган юк автомобиллари.
Техник регламент тоифаси — N2–N3 | |
| 7 | CE | Юк автомобиллари тиркама билан (19 ёш)«C» тоифасидаги автомобиллар, рухсат этилган максимал массаси 750 кг дан ортиқ бўлган тиркама билан уланган.
Техник регламент тоифаси — N2–N3 | |
| 8 | C1 | Ўрта юк автомобиллари (18 ёш)Рухсат этилган максимал массаси 3,5 тоннадан 7,5 тоннагача бўлган юк автомобиллари.
Техник регламент тоифаси — N2–N3 | |
| 9 | C1E | Ўрта юк автомобиллари тиркама билан (19 ёш)«C1» кичик тоифасидаги автомобиллар, рухсат этилган максимал массаси 750 кг дан ортиқ, бироқ юксиз автомобиль массасидан ошмайдиган тиркама билан уланган, бунда транспорт воситалари таркибининг умумий рухсат этилган максимал массаси 12 000 кг дан ошмайди.
Техник регламент тоифаси — N2–N3 | |
| 10 | D | Автобуслар (21 ёш)Ҳайдовчи ўриндиғидан ташқари 8 тадан ортиқ ўриндиққа эга бўлган ва йўловчилар ташиш учун мўлжалланган автомобиллар.
Техник регламент тоифаси — M2–M3 | |
| 11 | DE | Автобуслар тиркама билан (21 ёш)«D» тоифасидаги автомобиллар, рухсат этилган максимал массаси 750 кг дан ортиқ бўлган тиркама билан уланган; бўғинли автобуслар.
Техник регламент тоифаси — M2–M3 | |
| 12 | D1 | Кичик автобуслар (21 ёш)Ҳайдовчи ўриндиғидан ташқари 8 тадан 16 тагача ўриндиққа эга бўлган ва йўловчилар ташиш учун мўлжалланган автомобиллар.
Техник регламент тоифаси — M2–M3 | |
| 13 | D1E | Кичик автобуслар тиркама билан (21 ёш)«D1» кичик тоифасидаги автомобиллар, йўловчи ташиш учун мўлжалланмаган, рухсат этилган максимал массаси 750 кг дан ортиқ, бироқ юксиз автомобиль массасидан ошмайдиган тиркама билан уланган, бунда транспорт воситалари таркибининг умумий рухсат этилган максимал массаси 12 000 кг дан ошмайди.
Техник регламент тоифаси — M2–M3 | |
| 14 | M | Мопедлар (16 ёш)Двигатель иш ҳажми 125 куб см дан ошмайдиган ва максимал қуввати 11 кВт дан ошмайдиган мопедлар ҳамда енгил квадрицикллар.
Техник регламент тоифаси — L1–L2 | |
| 15 | Tm | Трамвайлар (21 ёш)Трамвайлар. | |
| 16 | Tb | Троллейбуслар (21 ёш)Троллейбуслар. | |
2. Миллий ҳайдовчилик гувоҳномасининг намунаси ва унинг тавсифи
Миллий ҳайдовчилик гувоҳномаси халқаро стандартлар тавсиялари асосида пластик материалдан тайёрланади. Гувоҳнома ўлчами 54 × 86 мм. Гувоҳнома ранги — пушти. Давлат тили лотин алифбосида қўлланилади. Серия рақами икки ҳарфдан, рақами эса олти хонали сондан иборат.
Миллий ҳайдовчилик гувоҳномасида жисмоний шахснинг шахсий идентификация рақами (ЖШШИР) ҳамда қурилмалар ўртасида контактсиз маълумот алмашишни таъминловчи махсус электрон белги (NFC Smart-карта) мавжуд.
Миллий ҳайдовчилик гувоҳномасининг пластик шакли қуйидаги ҳимоя воситаларига эга:
Ўзбекистон Республикаси Давлат герби тасвиридаги голограмма, турли бурчак остида кўринишини ўзгартиради;
Микро матн — «Haydovchilik guvohnomasi Водительское удостоверение Driving licence», ўлчами 30 микронгача;
Ультрабинафша қоплама;
«UZ» ёзувли оптик ўзгарувчан бўёқ, эгилганда бир рангдан бошқасига ўтади;
Гильош — қалинлиги 40–70 мкм бўлган, эгрилиги доимий ўзгариб турадиган тўлқинсимон чизиқлар тармоғи кўринишидаги нақш;
Пластик шаклнинг серия рақами лазер гравировкаси.
Миллий ҳайдовчилик гувоҳномасининг олд томонида «Haydovchilik guvohnomasi», «Водительское удостоверение», «Driving licence» сўзлари, Ўзбекистон Республикаси Давлат байроғи тасвири, Ўзбекистон Республикаси номи давлат, рус ва инглиз тилларида жойлаштирилади ҳамда Йўл ҳаракати тўғрисидаги Конвенциянинг (Вена, 1968 йил 8 ноябрь) 6-иловаси 4-бандининг 1–3, 4а–4d, 5–7, 9-кичик бандлари ҳамда 5-бандининг 8-кичик бандида назарда тутилган маълумотлар мажбурий равишда кўрсатилади, фотосурат учун жой ажратилади.
Орқа томонида Йўл ҳаракати тўғрисидаги Конвенциянинг (Вена, 1968 йил 8 ноябрь) 6-иловаси 4-бандининг 9 ва 12-кичик бандлари ҳамда 5-бандининг 10 ва 11-кичик бандларида назарда тутилган маълумотлар мажбурий равишда кўрсатилади.
1–12-бандларда назарда тутилган маълумотлар киритилади.
Алоҳида қайдлар учун жой ажратилади.
A, B, C, D, BE, CE ва DE тоифалари тегишли пиктограммалар билан кўрсатилади.
| |
3. Автомототранспорт воситасини рўйхатдан ўтказиш гувоҳномасининг намунаси ва унинг тавсифи
Автомототранспорт воситаси рўйхатдан ўтказилганлиги тўғрисидаги гувоҳнома халқаро стандартлар тавсиялари асосида 54 × 86 мм ўлчамдаги пластик материалдан тайёрланади.
Автомототранспорт воситаси рўйхатдан ўтказилганлиги тўғрисидаги гувоҳнома ранги — кўк. Давлат тили лотин алифбосида қўлланилади. Серия рақами икки ҳарфдан, рақами эса олти хонали сондан иборат.
Автомототранспорт воситаси рўйхатдан ўтказилганлиги тўғрисидаги гувоҳномада жисмоний шахс учун шахсий идентификация рақами (ЖШШИР), юридик шахс учун солиқ тўловчининг идентификация рақами (СТИР) ҳамда қурилмалар ўртасида контактсиз маълумот алмашишни таъминловчи махсус электрон белги (NFC Smart-карта) мавжуд.
Автомототранспорт воситаси рўйхатдан ўтказилганлиги тўғрисидаги гувоҳноманинг пластик шакли қуйидаги ҳимоя воситаларига эга:
Ўзбекистон Республикаси Давлат герби тасвиридаги голограмма, турли бурчак остида кўринишини ўзгартиради;
Микро матн — «Avtomototransport vositasi roʻyxatdan oʻtkazilganligi toʻgʻrisida guvohnoma Свидетельство о регистрации автомототранспортного средства Vehicle licence», ўлчами 30 микронгача;
Ультрабинафша қоплама;
«UZ» ёзувли оптик ўзгарувчан бўёқ, эгилганда бир рангдан бошқасига ўтади;
Гильош — қалинлиги 40–70 мкм бўлган, эгрилиги доимий ўзгариб турадиган тўлқинсимон чизиқлар тармоғи кўринишидаги нақш;
Гувоҳнома пластик шаклининг серия рақами лазер гравировкаси.
Гувоҳноманинг олд томонида «Avtomototransport vositasi roʻyxatdan oʻtkazilganligi toʻgʻrisida guvohnoma», «Свидетельство о регистрации автомототранспортного средства», «Vehicle licence» сўзлари, Ўзбекистон Республикаси Давлат байроғи тасвири ҳамда «Ўзбекистон Республикаси» сўзлари давлат, рус ва инглиз тилларида жойлаштирилади. Давлат рақам белгиси, марка, модель, ранг, автомототранспорт воситаси эгаси тўғрисидаги маълумотлар (фамилияси, исми, отасининг исми ёки ташкилот номи, манзили), гувоҳнома берилган сана, Йўл ҳаракати хавфсизлиги бошқармаси бўлинмаси, жисмоний шахс учун ЖШШИР, юридик шахс учун СТИР мажбурий равишда кўрсатилади.
Гувоҳноманинг орқа томонида автомототранспорт воситаси тўғрисидаги қуйидаги маълумотлар мажбурий равишда кўрсатилади: автомототранспорт воситасининг ишлаб чиқарилган йили, тури, кузов/шасси рақами, тўлиқ массаси, юксиз массаси, тоифаси ва двигатель қуввати, ёқилғи тури, ҳайдовчи билан бирга ўриндиқлар сони, тик туриш жойлари сони, алоҳида қайдлар.
| |
4. Автомототранспорт воситасининг техник кўрикдан ўтганлиги тўғрисидаги талон намунаси ва унинг тавсифи
Техник кўрикдан ўтганлик талони 54 × 86 мм ўлчамдаги тўртбурчак шаклдаги қоғоздан тайёрланади. Қоғоз таркиби 100 фоиз пахтадан иборат бўлиб, зичлиги квадрат метрига 140±5 граммни ташкил этади. Қоғоз қатламида ультрабинафша нурлар остида кўринадиган кўк ва оч рангли толалар, шунингдек ёруғлик нурлари остида яққол кўринадиган «пахта чаноғи» кўринишидаги умумий сув белгиси мавжуд.
Босма усули — офсет. Минтақа коди, икки ҳарфдан иборат серия ва олти хонали рақам қўлланилади.
Бланк қуйидаги махсус ҳимоя воситаларига эга:
Кимёвий таъсирга чидамли бўёқ қўлланилган, нусха кўчириш ва сканерлашга қарши юзадаги катакчаларда ингичка чизиқлар мавжуд. Тасвир чизиқлари бир рангдан бошқасига ўтишда силлиқ қўшилиб кетади. Катталаштирилганда микро матн, ультрабинафша нурлар остида кўринмайдиган тасвирлар ва олти хонали рақам кўринади. Махсус бўртма ва ботиқ элементларга эга.
Матн давлат тилида лотин ёзувида берилган.
Олд томонида автомототранспорт воситасининг маркаси ва давлат рўйхатидан ўтказилган рақам белгиси кўрсатилади.
Орқа томонида ўтказилган техник кўрик натижаси, жорий ва навбатдаги техник кўрикдан ўтиш саналари кўрсатилади.
Талондаги ёзувлар Йўл ҳаракати хавфсизлиги давлат хизмати бўлинмасининг мансабдор шахси томонидан киритилади ҳамда имзо ва махсус муҳр билан тасдиқланади.
| |
5. Транспорт воситалари учун техник регламент бўйича тоифалар
Техник
регламент
тоифаси | Декодлаш |
| L1-L2 | Мопедлар, мотовелосипедлар, мокиклар |
| L3-L5 | Мотоцикллар, мотороллерлар, трицикллар |
| L6-L7 | Квадроцикллар |
| M1 | Енгил автомобиллар |
| M2-M3 | Автобуслар, троллейбуслар, ихтисослаштирилган йўловчи транспорт воситалари |
| N1-N3 | Юк автомобиллари |
| O1-O4 | Тиркамалар |
L тоифаси – Мототранспорт воситалари:
Мопедлар, мотовелосипедлар, мокиклар, жумладан:
L1 тоифаси – Икки ғилдиракли транспорт воситаси бўлиб, унинг максимал конструктив тезлиги 50 км/соатдан ошмайди ва қуйидагилар билан тавсифланади:
ички ёнув двигатели бўлса — иш ҳажми 50 куб см дан ошмайди ёки
электр двигатели бўлса — узоқ муддатли юклама режимида номинал максимал қуввати 4 кВт дан ошмайди.
L2 тоифаси – Уч ғилдиракли транспорт воситаси (ғилдиракларнинг жойлашуви ҳар қандай бўлиши мумкин), унинг максимал конструктив тезлиги 50 км/соатдан ошмайди ва қуйидагилар билан тавсифланади:
мажбурий учқунли ички ёнув двигатели бўлса — иш ҳажми 50 куб см дан ошмайди ёки
бошқа турдаги ички ёнув двигатели бўлса — максимал самарали қуввати 4 кВт дан ошмайди ёки
электр двигатели бўлса — узоқ муддатли юклама режимида номинал максимал қуввати 4 кВт дан ошмайди.
Мотоцикллар, мотороллерлар, трицикллар, жумладан:
L3 тоифаси – Икки ғилдиракли транспорт воситаси бўлиб, унинг (ички ёнув двигатели бўлса) иш ҳажми 50 куб см дан ошади ёки (ҳар қандай двигатели турида) максимал конструктив тезлиги 50 км/соатдан ошади.
L4 тоифаси – Марказий бўйлама текисликка нисбатан ғилдираклари носимметрик жойлашган уч ғилдиракли транспорт воситаси бўлиб, унинг (ички ёнув двигатели бўлса) иш ҳажми 50 куб см дан ошади ва (ёки) ҳар қандай двигатели турида максимал конструктив тезлиги 50 км/соатдан ошади.
L5 тоифаси – Марказий бўйлама текисликка нисбатан ғилдираклари симметрик жойлашган уч ғилдиракли транспорт воситаси бўлиб, унинг (ички ёнув двигатели бўлса) иш ҳажми 50 куб см дан ошади ва (ёки) ҳар қандай двигатели турида максимал конструктив тезлиги 50 км/соатдан ошади.
Квадроцикллар, жумладан:
L6 тоифаси – Тўрт ғилдиракли транспорт воситаси бўлиб, унинг бўш (юкланмаган) массаси (электр транспорт воситаларида аккумуляторлар массасисиз) 350 кг дан ошмайди, максимал конструктив тезлиги 50 км/соатдан ошмайди ва қуйидагилар билан тавсифланади:
мажбурий учқунли ички ёнув двигатели бўлса — иш ҳажми 50 куб см дан ошмайди ёки
бошқа турдаги ички ёнув двигатели бўлса — максимал самарали қуввати 4 кВт дан ошмайди ёки
электр двигатели бўлса — узоқ муддатли юклама режимида номинал максимал қуввати 4 кВт дан ошмайди.
L7 тоифаси – Тўрт ғилдиракли транспорт воситаси бўлиб, L6 тоифасига кирмайди, унинг бўш (юкланмаган) массаси 400 кг дан ошмайди (юк ташиш учун мўлжалланган транспорт воситаларида 550 кг), электр транспорт воситаларида аккумуляторлар массаси ҳисобга олинмайди ва двигателнинг максимал самарали қуввати 15 кВт дан ошмайди.
M тоифаси – камида тўртта ғилдиракка эга бўлган ва йўловчиларни ташиш учун фойдаланиладиган транспорт воситалари:
Енгил автомобиллар, жумладан:
M1 тоифаси – Йўловчиларни ташиш учун фойдаланиладиган транспорт воситалари бўлиб, ҳайдовчи ўриндиғидан ташқари кўпи билан саккизта ўриндиққа эга.
Автобусы, троллейбусы, специализированные пассажирские транспортные средства и их шасси, в том числе:
M2 тоифаси – Йўловчиларни ташиш учун фойдаланиладиган транспорт воситалари бўлиб, ҳайдовчи ўриндиғидан ташқари саккиздан ортиқ ўриндиққа эга, максимал массаси 5 тоннадан ошмайди.
Микроавтобуслар: B тоифасидаги транспорт воситалари бўлиб, ҳайдовчидан ташқари кўпи билан 16 нафар ўтирган йўловчини ташиш учун мўлжалланган.
M3 тоифаси – Йўловчиларни ташиш учун фойдаланиладиган транспорт воситалари бўлиб, ҳайдовчи ўриндиғидан ташқари саккиздан ортиқ ўриндиққа эга ва уларнинг максимал массаси 5 тоннадан ошади.
N тоифаси – юк ташиш учун фойдаланиладиган транспорт воситалари (юк автомобиллари ва уларнинг шассилари), жумладан:
N1 тоифаси – Юк ташиш учун мўлжалланган транспорт воситалари бўлиб, уларнинг максимал массаси 3,5 тоннадан ошмайди.
N2 тоифаси – Юк ташиш учун мўлжалланган транспорт воситалари бўлиб, уларнинг максимал массаси 3,5 тоннадан ортиқ, лекин 12 тоннадан ошмайди.
N3 тоифаси – Юк ташиш учун мўлжалланган транспорт воситалари бўлиб, уларнинг максимал массаси 12 тоннадан ортиқ.
O тоифаси – енгил ва юк автомобиллари, мотоцикллар, мотороллерлар ва квадроцикллар учун тиркамалар (ярим тиркамалар), жумладан:
O1 тоифаси – Максимал массаси 0,75 тоннадан ошмайдиган тиркамалар.
O2 тоифаси – Максимал массаси 0,75 тоннадан ортиқ, лекин 3,5 тоннадан ошмайдиган тиркамалар.
O3 тоифаси – Максимал массаси 3,5 тоннадан ортиқ, лекин 10 тоннадан ошмайдиган тиркамалар.
O4 тоифаси – Максимал массаси 10 тоннадан ортиқ бўлган тиркамалар.
